復活節想俾小朋友瘋狂放電？港島區可以諗諗PMQ！由4月4日至4月14日，PMQ元創方將舉辦「復活童心遊樂場」，當中會有3個遊戲，大人細路可以一齊玩，包括：「小車車大彩虹」、「扭身扭勢四腳爬爬大賽」以及「捕捉彩蛋怪！」！
「小車車大彩虹」
地點：PMQ元創方冬青圃
小朋友坐上小車車，化身成硬幣，瞄準彩虹出發！每組2人，先抽出一個指定目標色塊，一人坐上小車車，另一人推車到目標色塊範圍內，成功完成可得到「任務印章」1個，每組玩家有2次機會。
「扭身扭勢四腳爬爬大賽」
地點：PMQ元創方B座地下HG19室
玩家先轉動輪盤決定可接觸的色塊，然後以最快速度由起點到達終點，每次移動只能有一隻手掌／腳掌離開地面。在限時內完成遊戲可獲得「任務印章」1個，前5名最快完成的玩家可登上排行榜。
「捕捉彩蛋怪！」尋蛋遊戲
地點：PMQ元創方A座及B座1至5樓公共空間
參加者可向詢問處索取「復活童心遊樂場任務卡」及「復活童心遊樂場彩蛋貼紙」。在場內尋找不同的彩蛋怪，只有10隻彩蛋怪有數字標記，玩家需要根據任務卡上的3個數字，找到相應的3隻彩蛋怪，並將相應數字的彩蛋怪貼紙貼到任務卡上，完成任務即可。
集齊「小車車大彩虹」及「扭身扭勢四腳爬爬大賽」2個遊戲的任務印章及完成「捕捉彩蛋怪！」尋蛋遊戲後，即可到位於B座地下的「復活童心獎品站」透過參與拋圈圈小遊戲獲取豐富獎品！精美禮品包括衣服、銀飾、皮具、手袋、個人護理及生活用品等，更有機會獲得冰凍美味的雪糕呢！
PMQ 「復活童心遊樂場」
| 地址 | 香港中環鴨巴甸街35號 |
| 日期 | 2023年4月4日（星期二）至4月14日（星期五） |
| 時間 | 11:00am - 6:00pm |
| 詢問處地點 | PMQ元創方B座地下近汽水機位置 |
▲ 即 Like Goodeal 早早鳥 專頁
▲ Follow Instagram @goodeal.hk 觀看精選內容
